Dewis unedau priodol

Mae’r unedau metrig sydd yn cael eu defnyddio’n aml i fesur hyd yn cynnwys:

cilometrau (\({km}\))
metrau (\({m}\))
centimetrau (\({cm}\))
milimetrau (\({mm}\))

Amcangyfrif

I ganfod uned addas i fesur rhywbeth ynddi, yn gyntaf dylet ti amcangyfrif pa mor fawr ydy’r peth. Er enghraifft, wyt ti’n meddwl ei bod yn well mesur y pellter rhwng Caerdydd a Bangor mewn metrau neu cilometrau? Neu, a ddylid mesur hyd pryfyn mewn metrau neu milimetrau?

Dychmyga beth ydy hyd y pethau rwyt ti’n eu hamcangyfrif, neu dychmyga eu mesur mewn perthynas â phethau eraill. Er enghraifft:

Dychmyga bren mesur \({1}~metr\) nesaf at ddyn tal. Byddet ti’n disgwyl iddo fod yn dalach nag un pren mesur, ond ddim cyn daled â \({3}\) phren mesur.
Dychmyga fag o siwgr ar glorian. Byddet ti’n disgwyl i’r nodwydd symud rywfaint, ond nid i wibio'n syth at \({50}~{kg}\).
Dychmyga botel \({1}~{litr}\) o ddiod cola. Byddet ti’n disgwyl iddi ddal tua’r un faint â fflasg fawr.

Question

Pa uned fesur (\({km},~{m},~{cm}\) neu \({mm}\)) fyddet ti’n ei defnyddio i fesur y canlynol?

a) rhychwant dy law

b) hyd cae pêl-droed

c) trwch llyfr

ch) y pellter o Gaerdydd i Fangor

Question

a) Beth ydy taldra tebygol dyn tal: \({90}~{cm},~{180}~{cm}\) neu \({360}~{cm}\)?

b) Ydy pwysau bag o siwgr tua \({1}~{kg},~{10}~{kg}\) neu \({50}~{kg}\)?

c) A fyddai fflasg fawr yn dal tua \({200}~{ml},~{1}~{l}\) neu \({10}~{l}\) o hylif?