Sòn taigheadais ur
Glaschu
Sgìre taigheadais ùr, Glaschu, Alba
Tha an sòn taigheadais ùr:
- air iomall a' bhaile/a' mhòr-bhaile anns na h-iomaill a-muigh
- far a bheil barrachd àite airson togail
- ri taobh prìomh shlighean còmhdhail airson gum bi e furasta faighinn dhan PhSG
Tha an sòn taigheadais ùr air na h-iomaill a-muigh oir:
- bidh bailtean agus mòr-bhailtean a' fàs a-mach agus mar sin, bidh na taighean as ùire nas fhaide air falbh bhon phàirt as sine dhen bhaile sa PhSG
- tha barrachd rùm ann agus talamh nas saoire airson taighean mòra teaghlaich le gàrraidhean agus garaidsean a thogail
Tha am baile a-staigh ann an sòn taigheadais ùr furasta aithneachadh bho na comharran a leanas:
- chan eil an taigheadas cho dùmhail agus tha na taighean nas motha oir tha an talamh nas saoire air falbh bhon PhSG
- pàtran nan sràidean air a dhealbh le luchd-dealbhachaidh bhailtean ann an cul-de-sacs agus ann an corrain ùra gus astar an trafaig a shlaodachadh airson gum bi e nas sàbhailte dhan chloinn
- talamh fosgailte gu leòr, me pàircean
- taigheadas nas ùire bhon fhicheadamh no bhon aonamh linn fichead – glè thric taighean dealaichte no leth-dhealaichte
- taighean matha le gàrraidhean agus àite airson leasachadh mar seòmar-grèine
- air a chuartachadh le sgìre uaine
- air a sgaradh bho ghnìomhachas
- bùithtean goireasach, me bùithtean beaga air an oisean
- faisg air sgoiltean dhan chloinn
- glè bheag de thruailleadh èadhair oir tha e fada air falbh bho thrafaig a' PhSG
- an sgìre nas sàmhaiche agus seallaidhean nas brèagha oir tha e faisg air an dùthaich
Ann an Glaschu tha Newton Mearns na eisimpleir de sgìre taigheadais ùr.